مِشْ بِتِفْرقْ (نغم مصري)
< 1 دقيقة للقراءة
كان في شاعر
موش بيملك أي حاجة
غير حروفو
ورقّتو
وقسوة ظروفو
ولهفتو
وقلبو الكبيرْ
مرة واقف جنب بيّاع الحريرْ
شاف الحرس ماشيين طابور
بيحرسو فبنت الأميرْ
ساب كل حاجة وراح قاللها كلمتين
شعر يمكن
أو كلام من غير ملامح
تاه فغيمة من العبيرْ
بس من جوّا الضميرْ
طلع الكلام زي الدموع النازلة من عين الأسيرْ
زي احلام الغلابة
زي صرخة مخزّنة فقلب الفقيرْ
زي صوت عمال ينادي فوسط بيرْ
هيّ تضحك
والحرس ضربوه كتيرْ
بس فرحان جوّا ألبو
إنو شاف وش القمر
قبل الليالي ووحدتو
والبرد وسهام المطر
والزّمهريرْ
ضحكتلو بردو
وإلا دي بتضحك عليه
موش بتفرق عندو حاجة
هي تفرق عندو ليه
لما تضحك يركب الحلم ويطير
ويصير أميرْ
أو ابن باشا أو وزيرْ
مش بتفرق
إنو جسمو بنيوجع
والحزن وليالي الألمْ
قال كلمتين
وهي ضحكتْ
وابتسمْ
دا الّي يفرق في الأخيرْ
سوسة
30/05/2018
