سَمِّيتْ (شعر شعبي)

2 دقائق للقراءة

سَمِّـيـــتْ رتَّـــــابْ ** بـاِلـهْ خــلاَّق وهـَّـابْ
باَقـدارْ واَســبــَــابْ ** كـلْ أَمـر عـندهْ أَسبـــابَهْ
وبديــت لــَرتـــَـابْ ** بالـحقْ مــانِيشْ كـــــذَّابْ
بـــاَوزان وصـْـــوابْ ** والـشِّـعرْ عــارف ابْـوابَهْ
ما كـنت نِــحْســـابْ ** ها الْقلب مِن بعِدْ ما تـــابْ
يـِشْتــافْ لــحـبـابْ ** ويــحب لـمة أحبــــــابَهْ
غْـدِي الـدَّمع سـكَّابْ ** مــا بيـن ليعاتْ وعــذابْ
في الـجاش مِـشْـهَابْ ** عـالـنَّفْس نـزّل شـهــابَهْ
مِـنْ عيــن واَهـْـذابْ ** لا هـمّدوا بـين لـقْتـــابْ
مِـنْ شـــافـهـم ذابْ ** مـصـهود فــاقـد صْـوابَهْ
ســـامور لــهّــــابْ ** فـي ضـيم مِنْ رِيـدْ سهّابْ
نرجــاه كــي غـــابْ ** والـشُّوق مـصعـب عـذابَهْ
عليـه ســكّرو الـبـابْ ** وقـسـوه مــا بين لغرابْ
مكـتـوب فـي كتــابْ ** والــدهر كــشّر أنــيـابَهْ
جي دونهـا أشعـــابْ ** ضحضاح يـنداح يـصـعـابْ
بـاَهـــوال واَتـعــابْ ** رقــــراق روَّق ســـــرابَهْ
لا نبت يـنـــصـــابْ ** لا يـقـطـعهْ شـالـخ النـابْ
لا كـــوت مــصـوابْ ** مـالــبعـد يـلمـع رْكــابَهْ
جـــابْـوه لـــعـرابْ ** فــاَيام بــوزيد وذْيــــابْ
في الضيـق ينـصــابْ ** يوم الــدَّرك والــــخيـابَهْ
مــولاه عـــطّــــابْ ** والصِّــيد من يـحكم الغـابْ
مــــاهوش هـــرّابْ ** فـي نــهــار كـثـّح ترابَهْ
مـن أصـل واَنســابْ ** نـجـع الــعـرب دب زرَّابْ
بين ريـم وعـقـــابْ ** والــسـِّيـد كَـريِتْ بنـابَهْ
فرســان تـتـهــابْ ** والـنَّحو في جـمـع لـبـوابْ
لا ينـبــحُـو كــلابْ ** كــل رصد عـنده جــوابَهْ
ولا خـلّفــو جــوابْ ** للْـبات عــالـشوك يـرطابْ
عَالــرِّيــد نـحّـابْ ** لـفـراق كـــسِّـر جـْنـابَهْ
ومـــزّال مــوصـابْ ** والـقـلب مِنْ وحشها طابْ
مـحروق لـــعـصابْ ** في الــعشق تــلّف شبـابَهْ
مــا كنت نـحســابْ ** مـكتـوب ما ينفعه حـسـابْ
عـمّــــال حسّـــابْ ** والــهـم كــاثـر حـسـابَهْ
ولانـيش هــيــــابْ ** لا نـخاف من وقـت يـخيـابْ
نـاي صيـد عـطّــابْ ** لـجـنـاس جـملـة تـهـابَهْ
مـن رب لـــربــابْ ** إلــه لــدعــاه مـا خــابْ
تنشيت كـي سحــابْ ** كـي الرّعـد والـوعـد جابَهْ
سكّـجـت لــبــوابْ ** وولجـت فـي كـل تـجـرابْ
مرمـــور موهـــابْ ** مــازن كـمـا سـبع غـابَهْ
كـسـَّــار لــرقـابْ ** جــيّـاف لـَعـْـدوه غـلابْ
وشـريـف لـنســابْ ** للسِّـيـد تـرجـع أنـسـابَهْ

الرواضي
5\12\2003