أنا نحبك

أنا نحبك ما لا شنوّة
ياخي حبك ساهل هُوَّ
حبك قوة
عيون حلوَّة
وجسم يجسد فتنة حوَّا
وانا فحبك طفل صغير
في أول كلمات يحير
أحلامي صغيرة وحبي كبير
وبيك نحقق حلمي توا
*******
انا نحبك موش غريبة
وعطيتك قلبي يا حبيبة
حكاية طويلة ورحلة عجيبة
من حكاية ادم وحوا
قصة صبر وحن وطيبة
فيها اللين وفيها القوة
وانا فحبك طفل صغير
في اول كلمات يحير
احلامي صغيرة وحبي كبير
وبيك نحقق حلمي توا
*****
انا نحبك ماهو بيدي
حبك عمري وفرحة عيدي
وقت تناديلي يا سيدي
نقلك للا هواك تقوا
ووقت لنمشي ايدك فيدي
نحس الدنيا الكل حْلوَّة
وانا فحبك طفل صغير
في اول كلمات يحير
أحلامي صغيرة وحبي كبير
وبيك نحقق حلمي توا

العاصمة
‏25‏/12‏/2010‏ 08:36:11 م