ولد الدرعية

إلى جدي ومولاي وسيدي وشيخي عبد السلام الأسمر الفيتوري الادريسي الحسني قدس الله سره

موال

لسمر يا رفيق روحي
يا منيتي في وجودي
انت تداوي جروحي
وتقول للروح جودي
يا عين م البعد نوحي
بالفرح بالك تعودي
يا نفحة السر فوحي
أنا ورثت حكمة جدودي

القصيدة

ولد الدرعية يا لسمر ولد الدعية
ناديتك ما تخلي بيا يا لسمر

يا لسمر سيدي
دمعي فوق الخد بديدي
متحير كابر تنكيدي
يا شيخي عجّل بالجيّة

لسمر فيتوري
في الحضرة نرمي في بخوري
يا شيخي شعشاع النوري
من جدك خير البرية

يا بابا سلومة
بحر قليل شكون يعومه
ونا شيخي باهر في علومه
يضرب بمدافع علوية

لسمر يا جدي
كسار انياب المتحدي
ونا شيخي يرد المتعدي
ومعاه رجال الصوفية

لسمر يا بابا
يا مولى الحربة العطابة
ونا شيخي كي ليث الغابة
بحر هادر والموجة قوية

الفيتوري بكلّه
سر باذن الله تجلى
ونا شيخي يبري من العلة
يداويني ياخذ بيديا

لسمر يا غالي
يا مولى المقام العالي
ونا شيخي يهنيلي بالي
نرجى فيه ويرجى فيّا

28 أوت 2022

14:10